وافي في حبك – عبدالله ال فروان

لي متى تبكين يا عيني بدموع القهر
ما تجيب المقفي ادموعك لو تذرف دهر
ما كفاك اجراح بي كلي وهموم وسهر

يا حياتي كثرت طعونك قول لي وش بقى
والله اني سبة غيابك في ضيم و شقى
والمصيبه زايد شوقي وشلون اللقاء

مشكله لو طالت الغيبه وش طب الوله
كن قلبي من حصل فرقى ما لحظه دله
لا تمشيني على درب مظلم واجهله

طالبك لا تقتل المتعه في صبح و مسى
ليتك اتعود علي تدري وش فعل القسى
فاقدك يترقب رجوعك ما صد و نسى
ما كفاك اغياب

لا تتخلى عن مغليك
ارحم حاله هجرك طال
بايع من قلبه شاريك
خيبت اماله باهمال

يتوجع لا فكر فيك
يتمنى لو يوم اوصال

ما تشعر في ذنب و لوم
ما جاك شعور التأنيب
شفني من صدك مظلوم
هاوي لفنون التعذيب

مهملني ما تسأل دوم
هو كيف اجراحي بتطيب
اشكي من فتره لليوم
وتزيد بوصلك تصعيب

وافي في حبك مره ولا فكرت اخون
قاسي ماهمك وضعي زودت الطعون
حبيبي صدق معنيني
ترى فيني ما يكفيني
عشقتك ليه تخليني
ابي الفرحه وتبكيني