هو انت مين
علشان في ثانية تشيل حاجات و تهد رصة ذكريات
و تلخص العمر في يومين

ليه تبقى مين
علشان تزورني تقوم تبات وجوا في سواد العين
واخبيك بالسنين ياخي الأيام معاك حلوين

وناوية معاك تدلعني
قليل منك ما يرويش عين
ولا كتيرك مشبعني

ويا خي الشوق ليك واخدني لفين
ومين عنك يرجعني

يا قلبك لو عينيك نايمين
وعن نوم عيني تمنعني

بحبك كل يوم حبين
و أجيب قلبين منين يعني

هو انت مين
علشان تعدي ومن سكات
في يفتح الورد اللي مات قبل الأوان عطشان حزين

هو انت مين
علشان اتوه فيك بالساعات
والنبض يعزفلك نايّات
وانا قلبي دايب من الحنين