هوجاس قلبي لأتلع الجيد نزّاع
وقلبي علشانه يحب الهواجيس

ابورموش ٍ بأبيض الخد شرّاع
بعده يغصب دموع عين ٍ محابيس

على الظهور ويمطر الموق بإسراع
دمعة بحر ٍ من ظهر مابعد قيس

بحر العيون اللي بلا حبل وشراع
فيها العيون بكل لحظه غواطيس


شوفه غداي ولالي بغيره اطماع
اصبح غني ويدين غيري مفاليس

وان غاب عشت بهم مع كثر الاوجاع
وكل الوجيه بناظري لي معابيس

وعين ٍ بكت مثنى مع اثلاث و ارباع
في موقها كنه دقّاق ٍ دبابيس

قلبي ولو هو تحت معوجّ الاضلاع
نار الهوى تكويه كي القراطيس