نيكسون – الشيخ امام
شرفت يا نيكسون بابا يابتاع الو ترجت
عملولك قيمة وسيما سلاطين الفول والزيت
فرشولك أوسع سكة من راس التين على مكة
وهناك تنفذ على عكا ويقولوا عليك حجيت
“ؤاهو مولد ساير داير شيلاه يا صحاب اليت”
جواسيسك يوم تشريفك عملولك دقة وزار
تتقصع فيه العايق’ والساكت والمنشار
والشيخ شمهورش راكب ع الشعب وهات يامواكب
وبواقي الزفة عناكب ساحبين من تحت الحيط
” واهو مولد ساير داير شيلاه يا صحاب البيت”
خد مني كلام يبقى لك ولو انك مش ح تعيش
لاح اقول اهلا ولا سهلا ولاتيجي ولا ماتجيش
بيقولوا اللحم المصري مطرح مابيسري بيهري
وده من تأثيرالكشري والفول والسوسي ابو زيت
” واهو مولد ساير داير شيلاه يا صحاب البيت”
كلمات: احمد فؤاد نجم
ألحان: الشيخ امام
1989
اصحى طال النوم – الشيخ امام