نفسي عزيزة – بشير شنان
نفسي عزيزه من جفاني جفيته
حتى ولو يصعب على القلب فرقاه
الصاحب المغرور يبزاه بيته
والله ماهين النفس وادور ارضاه
وان كان طالت مدتي مانسيته
بعز نفسي واجبر القلب ينساه
انا الى دورت غيره لقيته
وهو بعد غيري يدور ويلقاه
يوم انه هاويني فانا اللي هويته
من حبني بحب شوفه وبهواه
اول وانا منه العزى ماقويته
منه الصبر يومين ماوالله اقواه
يومه يهلي بي الى من نصيته
يوم المودة بيننا بالمساواه
يامر وينهى صاحبي ماعصيته
راعي الغلا يامر حبيبه ويتهاه
واليوم خان ولو رجع مابغيته
عليه صار القلب ياناس ماقساه
غيره حبيب مخلص ٍ لي لقيته
ماهو يجافيني وانا ماقدر اجفهاه
لا يوجد تعليقات حالياً