من تحت هالارزه – فيروز
ع شطوط البعيدة ومن ارض البعيدة
القصيدة بتتغنى وعنك القصيدة
من تحت هالأرزه لآخر هالدني
نهر الرجال يسافر ويسقي الدني
ايدين وين ماكان هم تشقع الحيطان
وتكتب اسم لبنان بكل ارض ملونة
من تحت هلأرزة لآخر هالدني
مشيت مراكبهن تقطع جزر وبحور
ع كل مينا تدور وترسي مراكبهن
مشيت مراكبنا
عمرها من عمر الضو
قطعت جبال النو
ماعمرنا تعبنا
لأحمل الغني وفيها دور
ع بيوت بي هالأرض وشبابيك
بكّر مع العصفور
غنيلهن غنانيك
احكي الحكي عنك
قل لهن انك ساكن بعيني
تحلا وتتعمرعنك الغنية
يا وطني الأخضر ياوطني الشمس الربيعية
لروح بين الناس احكي لكل الناس
عترابك الياسمين وعأهلك الحلوين
ال بيسلموا عالناس
اللي مشرعين ابوابهن للغير
بأرض تدفق خير
ومسافرين ع كل درب مسافرين
ومزروعين بهالبعيد
ومطرح ما يمشوا يطل عيد
يضوا بيوت الناس ويعمروا بكل صحو جديد
سطيحات متل بيوتك القرميد
ويخبروا عن عيشك الحلو الهني
وأرزك يفي على حراش الدني
كلمات: الأخوين رحباني
ألحان: الأخوين رحباني
بدي خبركن – فيروز