مدري اهني السلامه بسلطان ... ولا اهني سيدي بالسلامه

ياليل لادانه ولاليل يادان ... الليل جاه اللي يبدد ظلامه
العب نسيم الصبح باوراق الاغصان ... طير لنا من كل غصن ٍ حمامه

وشلون مايورق شجر كل بستان ... ولا يعقد الفل راعي تهامه
وافق دخول الوسم براق الامزان ... وكل ٍ على سلطان يهدي سلامه

نور المداين والعواصم والاوطان ... شق الليال المظلمه بابتسامه
من قبل ماتوحش حبايب وخلان .. وحشت عبدالله وقصر اليمامه


مدري اهني السلامه بسلطان ... ولا اهني سيدي بالسلامه
باب وجواب العلم من يوم ماكان ... يفرض على كل الجميع احترامه

تجود من جوده اجاويد وازمان ... من خلقته ما قد رجع في كلامه
ان قدم المعروف وان ساق الاحسان ... يكشف نصاب العز بارق حسامه

يا عاتق الانسان من رق الاحزان ... لا من طرى طاريك حب وكرامه
ياكيف مايطري على بال الانسان ... عبدالعزيز الله يرحم عظامه

من يجمع النورين في كل الاحيان ... شمس الضحى والبدر ليلة تمامه
الا انت يالمحبوب في كل الاوطان ... حب ٍ من الله ليـن يوم القيامه