ليالي الخوف – عبدالله الرويشد
أخاف أبكي يبان ذلـِّي .. ويوجعني كلام الناس
واخاف أسكت يقول خِلـِّي .. بإني فاقـد الإحساس
واخاف أمشي أشوف ظِلـِّي .. بأ قــدام العـِـدا ينداس
أنا عايش ليالي الخوف .. ودربي صعب ماينقاس
غريب وغربتي مره .. وليلي السهد في الأنفـاس
ياويلي لو أقول الآه .. يشيب الشعـر فـوق الراس
أنا الجاني وأنا المجني .. وأنا المحبوس والحـرَّاس
واقضي الليل على عودي .. انا وعنتر وابو نواس
ألف الدنيا شرق وغرب .. مــن دكـَّا إلى تكســاس
وغنـِّي للهوى والحرب .. وغـنـِّي للنـــدى والياس
وأفتح في الخيال عكـَّا .. وأحكم قرطبه ومكناس
واتقلب على فرشي .. كما الجمره على المحماس
تطاردني رياح الوهم .. وأشوف نفسي ابن فرناس
واطلع فوق أطلع فوق .. وأنزل جسم من غير راس
أشوف الأرض ماهي أرض .. واشوف الناس ماهي ناس
لا يوجد تعليقات حالياً