قليل الشوف في بعدك ويضعف قلبي الكتمان
وأنا مالي أمل لو يوم الأقي ف غيبتك بوحي
إلهي قوي أنفاسي والهم قلبي السلوان
وصبرني بهالصدفة وصبرني على روحي

بكت عين وشرد فكر نبض في مهجتي شريان
اداري كل مافيني واصبر جرحي ونوحي

حبيبي وانت جرح مابرى من ماضي الأزمان
وصالك يبري جروحي وبعدك يكشف وضوحي

تغيب وتختفي وتروح لاسكه ولا عنوان
وحبك آخر امالي ووصلك غاية طموحي
انا ما اقدر على بعدك واكره فكرة النسيان
تعال ولملم ظنوني وابيك وتبري لي جروحي