روحي مشتاكه الحضنته
طول اهوايه ابزعلته
مغير وگالب عليه
فدوه للكالب خلقته

هوه قلبي وهوه دكته
وحب حياتي اللي عشگته
غير مشتاگ الضحكته
فدوه للگالب خلقته

ويلي منه اشگد عنيد
قلبه يمكن من حديد
مسيطر ويعرفني احبه
وغير واحد ما أريد

شلوون بي واشلون بيه
خاف نبقه مو سويه
زين اذا ادزله رساله
اشلون اذا مارد عليه

اخ لوصوته سمعته
اله ابوسه من كلمته
شنو الهسه ماوحشته
فدوه للگالب خلقته

كلشي بغيابه كرهته
اختنك اذا تركته
كلش اهوايه افتقدته
فدوه للگالب خلقته


هوه حب عمري الوحيد
اشلون اذا يبقى بعيد
اني لو عمرين اعيش
راح احبه من جديد

وبعد وين الكه بجماله
اهوه غيره استحاله
ماكو واحد يبقه عايش
من يروح النفس ماله


هم أجه الليل وذكرته
والقلب نزلت دمعته
عمي موهينه فرگته
فدوه للگالب خلقته

بالتعب والضيم جبته
فرغت روحي المحبته
القلب هوه ونبضته
فدوه للگالب خلقته

وضعي بعد مو تمام
بلا حضنه اشلون انام
هوه بالنسبه أليه
عمري روحي والغرام

حبه مشكلتي الوحده
بس احبه بس اريده
حقي مااقدر بدونه
غير صارت روحي بيده