عاد عيدك – محمد بن غرمان

عاد عيدك يا محليني
عيدك امبارك عسى الغالي
في صباح العيد بديني
بالمعايد قبل كل تالي

يا كثر ما صرت تعنيني
والدليل انك على بالي
عن جميع الناس مغنيني
شوفتك بالذات تحلالي

حارت الافكار من بيني
حرت فيك الوصف بأشكالي
وانت غالي ابحد تثميني

ياسلام الله على الزيني
زين بدع الخالق اجلالي
مترف الاوصاف ياعيني
ويا بري حالي برى حالي

يعل دارك بالحيا سنيني
بارقن واليود همالي
عاد عيدك يا محليني
عيدك مبارك عسى الغالي