ظالم ولكن – اصيل هميم

ظالم ولكن في القلب لسا هواه
كم قلت بكرة يحن القاه يزيد في جفاه
ينسى الهوى ينساه
قولوله ليه ينساه
يعني عشان بهواه
يعمل كدا فيا

فين عطفه فين شوقه ياما بكي ليا
واحنا بنتعاهد وحلف لي بعنيا
هيا عيوني رخاص لما قسي عليا
ينسى الهوى ينساه
قولوله ليه ينساه

مظلوم معاه في الحب محبوبي ظالمني
وعشان انا باحب فكر يعذبني
لو قلت لقلبي توب عيني تكذبني
ينسى الهوى ينساه
قولوله ليه ينساه
يعني عشان بهواه
يعمل كدا فيا