ما دامنا بأول طريق البدايه

خلنا نقول عيوبنا حنا الإثنين

وإن كان قصدك خايف من النهايه

خلها تصير الحين ولا تصير بعدين

قلي عيوبك لا تقول المزايا

وابشرك ما فيه احد كامل الحين

قلي واقول وكل واحد و رايه

موت الطموح اهون ولا موت قلبين

لو نعطي لصدق المشاعر عنايه

نبني في لحظات اللي يبنونه سنين

خل الصراحه بيننا كل غايه

ان ما حكينا لبعضنا نحكي لمين

بيني وبينك وضعنا مو كفايه

اتعب معي وخلنا نبتدي زين

ولكن تذكر اننا في البدايه

وهذا هي أصعب مرحله بين الاثنين