صعب نسيانك – محمد عمر

موادع في رجاك الياس لكن صعب نسيانك

تفرقنا مثل ماجمعتنا صدفة الأقدار

انا في ناظري دمعه تعاقبني ل فقدانك

وأشوف الهم في الخافق سرى من جنتك للنار

معي ذكرى لكن فاقدٍ شوفك وعنوانك

بلا موعد تفارقنا ولا أدري بعدها وش صار

تسافر بي على الذكرى جروح الصمت واحزانك

واسافر بالدروب التايهه واوقف بها نحتار

معك تغريني البسمه وروعة كلمة لسانك

ويبقى من صدى الكلمه لصوتك في حشاي اسرار

زرعت الحب في قلبي وعزيته على شانك

اخفي عبرة المغرم واعيش بحسرة المشوار

غريب ماشكى الغربه بعد ماعاش باوطانك

ورحتي وصار من بعدك مع العالم غريب الدار

اشوف بلوعة الايام حرماني وحرمانك

تموت احلامنا حسره ومن جور الزمن تنهار