علموني وش هي اخباره
فاقده ماعاد له سيره
ركبوني فوق طياره

انقطع شوفه ومسياره
راح مني يالله الخيره
ركبوني فوق طيارة

حتى لو الاجواد عذاره
ماني بقابل معاذيره
ركبوني فوق طيارة

عل تقلع بي على داره
جعلني اغلى مساييره
ركبوني فوق طيارة

ماني بوياه في حاره

مبعد الديرة عن الديرة
ركبوني فوق طيارة

الفراق فوجهي اثاره
والحزن والشوق والحيره
ركبوني فوق طيارة

شب في جوف الحشا ناره
اتعبت قلبي مشاويره
ركبوني فوق طيارة

ليتني اختار واختاره
ماني بمختار احد غيره
ركبوني فوق طيارة

من يبشرني له بشاره
الصبر محتاج تصبيره