يالله لا تقطع رجا عبدك من العلم اليقين
في خليل ما قطع وصله ولا عني سلا
لاكن لا مني طريطه طاح قلبي في اليدين
فزت عروقي تصوت مرحبا الف وهلا
كل ما ضاقت لقيته يطوي ذراع السنين
همه ارتاح وما احاكي هذا من زود الغلا

البلى لا قال احبك سلهمت عينه حنين
البلى سلهام عينه هذا هو ساس البلى
من يلوم العين من هو لامطرت عن كل زين
من يشوف اوصاف خلي يدري وش معنى الحلى
لا قسى وقتي لقيته من طرف صبعه يلين
يا عسى ما ذوق حسنه لاعدم منه ولا خلى

ما يزين الجو به اذا فضى له ما يزين
مير شوفه يبري العله ويغلي يا ملا
من يقول الحب بلاوي قلت انها بلوتين
كل بلوى تشكر البلوى على قلب ابتلى
يالله لا تقطع رجا عبدك من العلم اليقين
في خليل لا لفاني راح هم وانجلى