خط الوالده – مزعل فرحان
عيسى ترى أمك طول الأيام ترجيك
وانت مريحٍ وخاطرك مسفهلي
يا طول ما هي من لبنها تغذيك
ومن مقعدك في حظنها ما تملي
تبغاك تنفع يوم جاد النفع فيك
ولا تفارقها على كل حلي
حقك مضى وأمك لها حقها فيك
إياك تجفاها ببعد المحلي
ارجع وبالك كثر الأشغال تلهيك
من قبل ملك الموت فيها يحلي
ثم أنتمنى شوفه أمك مع أبيك
واتلي الحسايف يوم دمعك يهلي
وش ينفعك لي صار هذي مماشيك
من مقعدك في غربتك لامك مخلي
مثلك فهيم وما تبي من يوصيك
واعرف ترى الدنيا وما فيها يولي
وان كان خط الوالدة ما نفع فيك
ترى الوعد بك واحدٍ ما يخلي
يا قاريٍ خطي عسى الرب يعطيك
إياك تخطي في جوابي تخلي
وانصح عسى رب السموات يعطيك
الجنة العليا و رفيع المحلي
احبك – مزعل فرحان