هنوف كن عينه يوم سلهم .. تقول ان نظرة عيونه تسلم
وهو سلهم بعينه ما تكلم .. اجل وشلون حالي لا سمع حكاه
قسم بالله لا جاء الجد لو ان محدن بحاديني
يا جعله فدوتةٍ للي عشقته خمسة سنيني

على شاص قراطيسه وكاله .. ليا من فز ما تبغي بداله
يا حي اللي شراه و حي فاله .. جسور يقطع الفرجات ممشاه
تعداني على خط المدينه .. يسوقه جاهل على يمينه
هنوف سلهمت رمشه وعينه .. تتل القلب من قاصيه لادناه

الا يا ليتني ليتاه مخاويه و مخاويني
على اللي وارد توه على التمرين ويميني
اشوف مبرقعٍ رمشه ظلاله فوق متريني
وايلا من طالت الطرقه ألا حيه و يلا حيني

الا يا حسرتي با موت و اعرف .. بو جهة سايق الشاص المرفرف
شلع قلبي معه وإيجور و اسرف .. يا حظ اللي يسوق الجيب حظاه
هنوف كن عينه يوم سلهم .. تقول ان نظرة عيونه تسلم
وهو سلهم بعينه ما تكلم .. اجل وشلون حالي لا سمع حكاه

قسم بالله لا جاء الجد لو ان محدن بحاديني
يا جعله فدوتةٍ للي عشقته خمسة سنيني

وليف ما اهقى واظن به ازين منه في عيني
هو اللي ياخذ النخبه على الزينين بالزيني

سلام الله عليه و ياسلامي .. على قلب غرامه من غرامي
هو اول شي عندي واهتمامي .. وهو اول من عشقته واتمناه
مشاعر شاعره عنده رقيقه .. من احساس وهواجيس عميقه
ماهيب اتعد له غير الحقيقه .. تلبيه ان دعاها و اتفداه

حنيني و القصايد له شطر بيت ببيتيني
وايلا مني فنيت ومت قصيدي فيه محيني
الا ياحبني له حب من اول لين ذلحيني
من اسبابه و لعيونه قصيدي له محبيني

اسج الرجل صوبه و اتعنا .. مع طيف يجي منا و منا
يذكرني بوقتن فيه كنا .. ماندري وقتنا وشهي خفاياه
يدور الوقت وتدور الليالي .. و مهما دارت الايام غالي
مابي غيره ولا يبغي بدالي .. و لا ينسى الغلا و الا يتناساه

ياسلوة خاطري تكفى عناوينك عناويني
انا باقي على و عدي تعال و صافح ايديني
تعال و خل عاذلنا يشوف الضيم والشيني
يموت بغبنته لا شاف غرام يجمع اثنيني