ليه ما تحكي ترى حلو الكلام
ليه نطقك بالمشاعر تكتمه
ياخي عاتبني وابرضى بالملام
وابتسم لاجلك وأرد بتمتمة

ما طلبت كثير من عشق وهيام
بس ابي منك شعوري تفهمه
انت وافي بس ابي زود اهتمام
قدري بقلبك ابيك اتترجمه


بسألك بالله قلي مو حرام
اقرب إنسان بحياتك تحرمه
أبغى فعلك مابي كلمة والسلام
حتى قلبي داري انك توهمه

كل ما صدقت وعدك قبل انام
لا صحيت القاه حلمٍ أحلمه
يالله احكي لي ترى حلو الكلام
كلمة منك .. تضوي دنيا مظلمة