ياوصوف الجمال النادره والفريده
يالكيان العظيم الي مامثله كياني

يارقيقه ترى نظرة عيونك حديده
أشهد إن رمش عينك بالمحبه رماني

وأشهد أن انتي ام الزين وأصله وسيده
فيك سحر العيون وفيك سحر البياني

وفيك يستاهل الشاعر يسجل جديده
تستحقين من جزل الشعر والمعاني


لو وصوفك تبا تعجز بيوت القصيده
وإن وصفتك يبي يعجز بوصفك لساني

المهم إن محبتكي ب قلبي اكيده
والله إن حبك الأول ولايصير ثاني

نلتي الزين كله والصفات الحميده
مابقي للعذارى عند زينك مكاني

ملكك الزين وانتي دون ملكك عنيده
وقلب شاعرك ملكك لو يطول الزماني