جاهز ..
اخوض التجربة من جديد
اغامر دون سقف وقيد
أحب ثاني بلا تحديد
ولكن وينها ؟!
جاهز ..
أدشّ ب طوفة المكتوب
أحب .. وأنجرح .. وأذوب
حبيب وتجربه ومحبوب
ولكن وينها ؟!
ومدري ؟
بصادفها كذا باحساس ؟
ف مقهى مزدحم بالناس ؟
او شاطي بلا حرّاس ؟
أدوّر وينها !

— 
جايز ..
وانا ادوّر كذا مرّه
بتجمعني بها نظره
تكون اقرب الى الشفرَه !
وصعبٍ كودها !
وجايز ..
ألاقي اللي ابي بالذات
شبيهة روحي ف الجينات
تشابهني حكي وسكات
ومودي مودها !
ومدري ؟
طبعها بيشبه لطبعي ؟
بتفهمني كثر ربعي ؟
بتفهم ضحكي ودمعي ؟
أدوّر وينها !