تلمّست لك عذر وتأملت بك ميعاد‬
من العام واقدامي على الدرب دوّاجه
اجي من هنا وانتي تروحين بي من غاد
تِقل ما خلق ربي مواعيد ومواجه

ولا حنّ لك قلبٍ ولا غصن فرعك ماد
ولا ارخصتي الدمعه وهي ملح وهماجه
ابسلبك من يمكن وبحاول وما فاد
وابذخرك لظروف المواعيد والحاجه

وابتليك لين إني واجهاد عليك جهاد
إذا آصلْك وإلا دونك الموت وخلاجه

لك من السعه عين ومن الحاجبين حِداد
أنا وين أوديني عن الرمش وحجاجه

ولا انتي من اللي يظهر بحسنها الاضداد
ولا عينك النجلا تبي كحل ودعاجه
يصوت بك المخطر على الروس والاشهاد
عليك العوض كانك تمنين بعلاجه

حرام إننا نقضي على بعضنا بعناد
متاييه في بحرٍ تلاطم بنا امواجه
إذا احتجت يا قلبي على الظلع الاطول ناد
على واحدٍ عرض السموات محتاجه