تدري ليش ازعل عليك اعشقك واموت فيك
تكسر الخاطر بدوني وينكسر قلبي واجيك

لو تفارقني ثواني اكتئب واكره زماني
لا تخليني اعاني وانت في عمري شريك

راعني واقهر ظروفك واسعد ايامي بشوفك
ليش بعدك ليش خوفك دام قلبي في يديك


حبك يبان فعيوني وابتساماتي وشجوني

وانت ما تصبر بدوني تهتويني واهتويك

اكره العالم بدونك واعتزلهم في عيونك
من يحبك ما يخونك لو ترى يزعل عليك

استفزك من ودادي واهجرك واقول عادي
من ورى خاطر فؤادي لجل ترضيني واجيك