بكتب بنور الشمس – مزعل فرحان

بكتب بنور الشمس في صفحة الليل

أخر خبر لو هو مخيف سواده

جداي للغربة دموع ومناديل

عرس الوطن يرسم بعين حجاجه

لو الثرى ضامي الهتان من سيل

جيته ولكن الضما فيه عاده

وقفت حاير عاطش الصمت بالحيل

داخل طريق الصمت هم ونكاده

أتعبتني واضميتني بالتماثيل

أرخ الستار ونم منام السعاده

زهرة شبابي في عذاب وغرابيل

قبل أمس في أيديني بقايا رماده

بيني وبينك خطوة الألف والميل

مثل السماء والأرض وابعد زياده

عش أنت واتركني بليا مراسيل

خل الغريب يموت يبكي بلاده

ما قلتها شكوى و رجوى مواصيل

عندي سوا يوم اللقا وابتعاده

ارحل و ابرحل في سنين مقابيل

لابد ما القى في سنيني السعاده