سرى ليلي وانا هايم
على شوفك حبيبي مَ تدري وش كبر شوقي
وذا طبعي معك دايم
حروقي من غيابك أجي لك تطفي أحروقي

بحر شوقك وانا عايم
تغرّقني ظروفك وصبري للنجا طوقي
سما وصلك علي غايم
وبُعدك فيه عتمة ظلام الليل من فوقي

عذارى لو يشوفونك
أمانيهم يخفّونك
سبب غيرة من أبسط شيّ
يحَسدونك على عيونك

فما بالك على الباقي
زهر خدّك لها ساقي
خمر ثغرك حلاة الريّ
محد زيّك يا هالراقي

قلبي لضاه محرق اللي وراه
لجلك شوفك وضمك وشمك وقربك يطفّي لضاه


أنا صبحي مع شمسك
ونسناسه هوا همسك
وذا يومك يزود الضيّ
محى زينك جمال أمسك

شدّ انتباه لونك اللي زهاه
لون حمره وسمرة يا جمره ودمرة لقلبٍ هواه
قلبي غلاه فيك وانت مناه
وانت روحه طموحه وبوحه يا زايد غلاه

بجوّ الحب معك حايم
بعد دنياي ودّي ما يحكم بُعدك اسبوقي
مواعيدي بكل تايم
ثواني في ثواني فدايا لك يا معشوقي

كسرت أعيون من نورك
ترقّ اقلوب لاعطورك
حيت هالناس بك يا حيّ
سروري يتبع اسرورك

شدّ انتباه لونك اللي زهاه
لون حمره وسمرة يا جمره ودمرة لقلبٍ هواه
قلبي غلاه فيك وانت مناه
وانت روحه طموحه وبوحه يا زايد غلاه