بالهداوه يا دوى المشتاق خذني بالهداوه ... لايزيد بك الدلع حتى حدود العنجهيه

لاتخلي بين طرفي والمنا اكبر عداوه ... ياجمال اهل البداوه والضفاف الساحليه

احمرار الوجنتين وخد تضفيه النقاوه ... مثل ما بدر كمل تحت العيون الساحريه

بين عيني والحلا في غيرك ستار وغشاوه ... مالي غيرك في عيوني يا عيوني جاذبيه

كل هذا الكون والعالم بلا شوفك فضاوه ... والحروف الي بلا اسمك مانسميها ابجديه

شوفني ضايق وجرحي منك لاتنساه داوه ... قبل مايكون الخفوق في حبك الطاغي ضحيه

يوم انادي لك بصمت الحب بوجود الخلاوه ... قلبي المكسور من طول الجفا يفرض عليه

يامشقيني معك ليت نتقاسم هالشقاوه ... لين تعرف ماجرى وتحس بالاحساس فيه

ياحبيبي يا غرامي يا ضنيني يا غناوه ... لا تخليني بقايا انسان ومشاعر خليه

دام فيك العطف واحساس الرخاوه خل القساوه ... لا تخيرني مابين البعد او حوض المنيه

دام فيك العطف واحساس الرخاوه خل القساوه ... لا تخيرني مابين البعد او حوض المنيه

اطوي صفحات العتب وافتح معي صفحة صفاوه ... ياغلا احمد دمت لاحمد دام هالدنيا مديه

بالهداوه يابعد عمري عليه بالهداوه ... مدلي كفك وصالك وخذ معك روحي هديه

بالهداوه يا دوى المشتاق ... خذني بالهداوه ... لايزيد بك الدلع حتى حدود العنجهيه

لاتخلي بين طرفي والمنا اكبر عداوه ... ياجمال اهل البداوه والضفاف الساحليه