اهلا يا حب – وردة الجزائرية
أهلا يا حب
أهلا أهلا يا حب
واحشني واحشني يا حب
سلامات سلامات بالحضن يا حب
ياخواتي بحب .. وبقولها يا ناس من قلبي
من قلبي بحب من قلبي
دوامة الحب مغلباني .. واخداني لشوق ومدوباني
دوامه يا ناس دماره يا ناس ..
أهلا أهلا يا حب
يا كل عاشق انجرح وانكوى بنار الحب
ما حنا انجرحنا كتير برضو
ورجعنا نقول يا حب ..
تعال شوف الفرحه اللي انا فيها
والا الجناحات اللي بطير بيها
لو شفت حبيبي ونور عيني
وعرفت ازاي بنسيني .. تتعلم مني
ازاي تنسى و ح تجري تدور ع الحب
جرى لك ايه ياقلبي جرى لك ايه
حكايتك ايه يا قلبي حكايتك ايه
احنا ح نحب تاني .. يعني ح نعيده تاني
والا ح نعيده تاني
احنا ما صدقنا نسينا جرح الماضي الاليم
والجرح اما اشتكينا احتار فيه الضمير
جبنا الصبر يداوينا .. قال ده بخت ونصيب
نرجع نحب تاني .. يعني ح نعيده تاني
ما ترد يا قلبي ساكت ليه
بتكلم روحك وتقول ايه بتقول ايه
انا كدابه وجرح الماضي خلاص نسيناه .. طب ماهو آه
حب جديد خلانا نحب الدنيا معاه .. طب ماهو آه
حسيت بيه من اول دقه وانا ما قدرتش اقولك لأه
مش قادرين تستغني عنه ولا ننساه
ده هدية عمري وحبيته حبيته بجد
حبيته ياناس ايوه بحبه وان شاء الله ما حب
أهلا يا حب
سامعتنا يا نواره يا احلى من المناره
خليكي دايما ايام السنه للسنه
ح تنوري سكتنا .. وتونسي خطوتنا
وحده ب تفرش طريقنا بالحب والهنا
ح نزرع شمس جديده وقمر ونجوم جديده
وتفضلي في عنينا نواره حبنا
ما تبصليش كده وتنسيني الكلام
ما تكلمنيش كده حرام عليك حرام
اصل انت عليك حنيه بناخدني لفرحي العالي
وعينيك لو تيجي في عنيه يالطيف عاللي بيجرى لي
حوش عني حلاوة حبك لو ادوب انا مش مسؤوله
بعدين تلاقيني احبك بطريقه مش معقوله
ح اغير عليك من الشمس لما تدفيك
وح اغير عليك من الميه وهيه بترويك
وح اغير عليك من دقه قلبي حواليك
وح اغير عليك من روحي وانا روحي فيك
أهلا أهلا يا حب
واحشني واحشني يا حب
سلامات سلامات بالحضن يا حب
لا يوجد تعليقات حالياً