like-empty

كلمات

klmat.com

sun

الهديَّة ماترد

اخذ قلبي يالغضي والهدية ماترد ... وانت ياسيد الهوى هات قلبك وازهله
لاتغرك وقفة الساق لو دونك صمد ... والله ان الزلزلة في عظامه منزلة

من يقول الطرف لا طالعك جاه الرمد ... والله ياغير العمى مايغرز بأكحله
جيت اغني لك (وعد يا بعد عمري وعد) ... ويوم شفتك ارتبكت وقريت البسملة

يابعد روحي وش اللي بقى منكم بعد ... ما ذبحنا بآخره وش نوصف بأوله
من تمره وانت لا برق ولاانت برعد ... من يلومه لو تحلحل عليكم حلحلة

من يلومه لو رمى ضافي الثوب وسجد ... او بعد حتى طلع له على الراس نخلة
لو تواصيف الحلا فيك يحصيها العدد ... كان ابكتب من تهامة الى شعب جبلة

من تعامى عن سنا نوركم ولا جحد ... كل نجم بان يلفي عليه ويسأله
سحر بابل في حناياك صاحي ما رقد ... سلسلة من سلسلة سلسلة في سلسلة

طب وسط الملعبة طب يا فال السعد ... حط بقلوب الصبايا سهوم مرسلة
كل عين ما تسمي بإسم واحد أحد ... لا تهمك مثلك الله خلقه ويكفله

يرجع الماخوذ لو عنكم بساعة يلد ... يمكن انك نجمة الجدي وانا بوصلة
كل حسن غيركم عندي ما قام وقعد ... ما جذبني حلو ريقه ودافي مخملة

أنت ايه انت انت يا بوح من قال وقصد ... بالحروف المعجمة والحروف المهملة
من يطولك عن مراعاة زولك ما يصد ... لو تفجر في محاني ضلوعه قنبلة
بس لا تزعل اذا قلت لك ملعون جد ... عادتي لا شفت حلو الجمال العن هله
like-empty