الحلوه دي – سيد درويش
الحلوة دى قامت تعجن فى البدرية
والديك بيدن كوكو كوكو فى الفجرية
يالله بنا على باب الله يا صنايعية
يجعل صباحك صباح الخير ياسطى عطية
طلع النهار فتاح يا عليم
والجيب مافهشى ولا مليم
مين فى اليومين دول شاف تلطيم
زى الصنايعية المظاليم
الصبر أمره طال
من بعد وقف الحال
ياللى معاك المال
برضه الفقير له رب كريم
أولاد أوربا ما بيناموش
عن الصنايع ما يونوش
الافرنجى دايما حلق حوش
والمصرى جنبه بيطلع بوش
سبع صنايع فى إيدينا
والهم جاير علينا
ياما شكينا وبكينا
يا أغنيا ليه ما تساعدوش
ما تشد حيلك يا بو صلاح
إضربها صرمة تعيش مرتاح
خلى تكالك ع الفتاح
يالله با يالله بينا الوقت اهو راح
الشمس طلعت والملك لله
ما تشيل قدومك والعدة ويالله
اجرى لرزقك خليها على الله
كلمات: بديع خيرى
ألحان: سيد درويش
اهو دا اللي صار – سيد درويش