اهى شغلتنا كده يا افندية .. نفضل كده ....

نهاتى .. ، اللى نقوله نعيده .. كأننا بنقرا ف عدية ..

ده الجرسون منا يا بيه .. وحياتك له الجنة ..

ياما بنقاسى ف خوتة ، ودوشة ومرمطة يا اخواننا ..

نفضل شايلين .. صوانى وماشين .. زى المكوك .. رايحين جاين ..

إينا سيروبي إينارجي ليه

إينا كافيه فاري جليكي

أهي شغلتنا كده يافندية نفضل نحزق بالصفة ديه

ونهاتي واللي نقوله نعيده أكننا بنقرا في عدية

دا الجرسون منا يابيه وحياتك له الجنه

ياما بنقاسي ف خوتة ودوشة ومرمطة ياخوانا

نفضل شايلين صواني وماشين زي المكوك رايحين جاين

يبقى دا يسقف ودا يهاتي ودا يخبط كده بريه

ياخواتي خلو عقلنا سبعه سباتي يلحسوه

أهو المقدر يابيه عليه

يفرح يكدر مش بإيديك

بلا مارتيل بلا ويسكي وصودا دا الجرسون عايش عيشة سودة

كان مالنا احنا ومال الكار ده ولسه ياما هنشوف ياسي فودة

بالله احسب يابيه كام كيلو بنمشي ف الساعه

بس من البوفيه للزبون كده من غير لكاعه

دا عنده دورين وده تلاته دا عايز فرموت ودا جيلاته

دا عايز دور وسكي ودا بيرة ودا مزة ودا كافيه

 أحيه لاهو الجرسون عقله دفتر توب عليه

زبايننا مالها جرالها إيه

بقشيش مافيش ياخواننا ليه

التشطيب دا ومنع الخمره خلو عيشتنا جهنم حمرة

كان يجي الزبون لينا طينة نغالطه ونجرده يابوسمرة

دا اللي عنده عيال يابيه يعيش إزاي الأيام دي

وياريت ع الشقى اللي احنا فيه نزيد ياسي حمدي

ياناس دا حرام داحنا غلابة أدحنا عملنا لنا نقابه

طول ماحنا ياصاحبي ايد واحدة مش ممكن ننضام

برضه مسيرنا نبلغ أمانينا بالوئام