هاتلي قعدة فيها اتنين
فضلوا مع بعض الاتنين
كله في الآخر هيفارق
دي حقيقة مؤكدة
كلها أحضان مطارات
وف حياة بعضنا فترات
في الطريق مواعيد فراقنا
من زمان متحددة

وأدفع نص عمري
وترجع تاني ضهري
وتفضل بس جنبي
لايمها يا فراق بقى
وأدفع عمري كله
وألاقي حد أروح له
يشيل مع قلبي حمله ياه
لو أقسم الأيام معاه

احنا لوحدينا يا عيني علينا
خليكوا قاعدين
طب كنتوا استنوا معانا شوية

مانتوش ماشيين

نفسي نشبع م الغاليين
نفسي لو يفضلوا قاعدين
كله بيروّح ويفارق
دي حقيقة مؤكدة

قولنا بدري على المرواح
قالوا الوقت بيجري وراح
قولنا فيه أماكن تتراح
بس هل هنروح سوا؟

دي حقايق صعبة ممكن
هنعيش بوجعنا يمكن
ومافيش ولا شئ يهوّن
ثانية واحدة ف بُعدنا
وازاي هنلاقي غيركم؟
هو احنا شبعنا منكم
ماحناش قادرين نسيبكم ياه
لو مرة تنصفنا الحياة