أنا ما أقدر على الفرقا ولا تقدر على فرقاي
ولا غيرك ملى عيني ولا غيري ملى عينك

ولو طالت مسافاتك على دربك تسير خطاي
ينور دربك أحساسي يوصلني عناوينك

تعال نجدد الماضي نعيش أحلامنا بالجاي
أضم إيدينك بقلبي وأقول من الوله وينك


حرام الوقت يسرقنا ولا تسمع صدى شكواي
نضيع عمرنا في البعد وأنت الوصل بإيدينك

أحب الحب من حبك وحبك روحي ومعناي
ولو أجمع جمال الكون كله ما وصل زينك

أحس انك هنا عمري ورغباتي وكل مناي
تشوف احساس هالعالم احسه بيني وبينك