وضح اكثر – وليد الشامي

وضح أكثر قل متى ودك نجيك
من مشى أرضك تعلق في سماك
قدر الله حبك الطاغي علي
مثلما قدر على عيني جفاك

ما أبي منك كثير ولا شوي
بس عطني من بعض ما الله عطاك
يالنخيل اللي بقى فالأرض فيّ
قلبي لراسي على كاسي خطاك

أنا واحساسي وصلنا كل شي
بس لكن ما وصلنا منتهاك
قل متى ودك قل متى ودك
وضح أكثر قل متى ودك نجيك

أنته غير الناس من هذا و ذي
في عيوني صورتك صورة ملاك
يالغياب المر يالعذب الندي
الملامح والمشاعر في هواك

يالسحاب اللي نوايه أبردي
لا تموت غصون قلبي في رجاك
المسا مقمور ضي فوق ضي
من بقايا من بعض لمعة سناك
قل متى ودك قل متى ودك
قل متى ودك يالغالي نجيك

قبل ما تنوي تسوي فيني شي
ليه ما توعدني بيوم الهلاك
ليه صدرك من شعوري ما دفي
ولا أنا ما عاد أستاهل دفاك

انته من حقي ومن حقك علي
ما أبي من كل هذا ألا رضاك
وضح أكثر وأطلب أكبر ماتبيه
من مشى أرضك تعلق في سماك
قل متى ودك قل متى ودك
وضح أكثر قل متى ودك نجيك

2017