عطرك قطع رزق الورد
يالعطرك انت يجنن
شميتك بأول نفس
ويلي مصيبه ايصفن

سرك ولا عرفه
اتمنى اكتشفه
ابمزاجك يدق قلبي وبكيفك انت اتوقفه

امشينه عوف الناس
منريد دوخة راس
خلينا بالجو الحلو نتغازل بحب واحساس

ترد الروح حضناتك
تذوب الروح نظراتك
شوف بقلبي نبضاتك
بأسمك هنه مالاتك


ماريد أبذر بالنظر
وأصرف الغيرك نظره
المفروض عيني بس الك
يا بعد قلبي وعمره

اتمنى تبقى اوياي
وتحبني حب اهواي
انت بالنسبه اليه اغلى من كل دنياي

ماعندي اهم منك
يالبيتي بس حضنك
صدقني اوعدك للأبد ماابتعد عنك

نزاكه وكلك اتجنن
امان حضنك ايطمن
اريد اوياك ياعمري
اعيش اطول وقت ممكن