البارحه يوم اذن الفجر – عيسى الاحسائي

البارحة يوم اذن الفجر ونيت

طرى علي اسمه مع طرت النور

اسمه بحرف النون يا ما تلاويت

أوقات انا وياه في انس وسرور

لامن تحرى جيتي يطفي الليت

يوقف لي عند الباب تقول ناطور

أجيه كني واحد من هل البيت

واجلس انا وياه نتبادل الشور

واليوم انا من جيت البيت عديت

كل الفريق ضدي من رجال وبزور

والله ما عمري على واحد اخطيت

لاشك حظي وراعي الحب معذور

انشهد انك يا بعد روحي أوفيت

برضك عزيزآ يا حياتي ومشكور

ما أذكر انك في لزومي ترديت

قايم بمطلوبي وبا الخير مذكور