آنه بخير – الشيخ حسين الأكرف

آنه بخير يايمه يصحابي آنه بخير
مثل الطير والجنه يم بابي مثل الطير
بالي يمكم مشتاك الكم آنه بخير

وحك حضنج وحك جفن التعود كل مسه يسهر
ييمه من غفت عيني لهسه وآنه يم حيدر
خذاني بطيحتى وكلي يحلم القاده المفسر

هلا بللي يواسينه إذا يلطم واذا عسكر
هلا بلي زرع روحه مناره وخضرت منحر
شبكني وكلي يوليدي مقامك أكبر وأكبر

ييمه مانزل دمعي أنه بنعمه على وضعي
سلامي وصلي لربعي خدم يبقون
أبد ميتين ماجنه و ادينه مطرزه حنه
مجالس عدنه بالجنه ل ليلطمون

شفت هواي من ربعي بالجنه شفت هواي
بيده الماي ينطيهم حيدرنه بيده الماي
احجولي عنكم مشتاك الكم آنه بخير

المشه وبروحه اثر خيمه بمدامعهم يشمونه
ولستشهد على حبهم عابسهم يسمونه
التقرب ليهم بدمعه ألف ضحكه يقربونه

الحضر مجلس أبو اليمه بمماته هم يحضرونه
الملايك ماتكرب له ولا حتى يسئلونه
النزل دمه على الساتر يغسلونه ويشيعونه
يوده الباري اليودهم الأمل والخير بس عدهم

يسندونه اليساندهم وبنهم صار
يبخته اللي يحبونه عبد عدهم يحسبونه
ولا جسمه يخلونه تمسه النار

أهل البيت التوفيق والنعمه أهل البيت
لو صليت بلا حبهم جن أعمى لو صليت
جاي اكلكم مشتاك الكم آنه بخير

عكس ماكالو الوادم اليموت يموت موضوعه
لكيت الموت هم دنيا وشفت لعمال موسوعه
وربح من جان يصحابي أبو السجاد مشروعه

لكيت اليلطم ويبجي يلموها إله دموعه
واذا عريس يحضر له القاسم يعلك شموعه
وعلي الأكبر يشد جرحه وتمر جفه على ظلوعه

ييمه كحلوا جفوني من الأنصار حسبوني
بمنابر نور شالوني لكيت الناس
بعرش يضوي يشوفوني وعلى حالي يغبطوني
ييمه وداعت عيوني شفت عباس

شفت النور الكافل بعيونه شفت النور
كل الحور تتوسل يريدونه كل الحور
واللهفه إلكم مشتاك الكم آنه بخير

على موتي مضت فتره واشوفنكم تذكروني
وعكس مفهوم كل ميت عليكم خوفي وضنوني
أوصي الناس واحبابي وكل اللي يحبوني

الخلاص بعتره الهادي وهمه اللي تلكوني
ومن كل شي أخافنه أشوفنهم يخلصوني
تمسكو بمجلس الزهره يناسي اللي تسمعوني

وحك الهادي والعتره ومن الدامي كل كطره
الخلاص بمجلس الزهره وطريق حسين
بفضلهن شرعت بابي تمسكو يهلي وصحابي
يوقع حيدر اكتابي اعله دمع العين

درب حسين والساتر للكوثر درب حسين
ذني اثنين إمشيهن ماتخسر ذني اثنين
من شاهدكم مشتاك الكم آنه بخير

0

كلمات: علي عباس الربيعاوي

ألحان: حسين الأكرف

إنتاج: Alakraf ofc

2020