يهمك أمري ما ظنيت انا اظنك خلي احساس
سنين اتحمل وساكت ولا كلمتك وعاتبك
ولكن فاض بي ومليت ولاهزك شديد الباس
تعبت اهمالك الواضح ةضيق صدري مر الكبت

تعال نقلب الماضي تذكر لهفة الأنفاس
نلاقي نفسك بنفسك بعيد انت ولو قربت

من اللي قال لك اني أنا ايوب يا ابن الناس
ترى صبري وصل حده وانا من طول صبري شبت

حبيب الامس سامحني تعبت المر وسط الكاس
تعبت اغيب عن بالك وانا عن بالي ما قد غبت
ولكن بحسم الموقف ولو غصبٍ علي لا باس
مع انك اغلى ما عندي انا منك وعنك تبت