يجي يوم من الايام
تظل عيوني مشتاك
وبحسرتهن تصير
لان بيناتنا فراك
ما ارجع لحظنك لا
كلشي بيك راح انساه
حتى العشك الله وياه
منو غيري الدمرني
روح والله لايردك
انا ما اموت بعدك
وامسح بوستي بخدك
خلص لهنا تعذرني
كالولي يحب غيرك
واذا حب شنو يعني

اواسي بكلبي وجروحي
ولملم عمري الباقي
شجره صرت لعيونك
خريفك ضيع اوراقي
صبرت بظلمك هوايه
كل يوم اسمع احجايه
متغيرت ويايه

وضعك هذا تعبني
خلصت العمر يمنك
بس انته ولا همنا
بارد بالعشك دمك
ونار بكلبي تحركني
كالولي يحب غيرك
واذا حب وشنو يعني؟

ذنبي وما اخذت عبره
من ذاك العشك الاول
المثلي رخص عيونه
لازم كلشي يتحمل
اجر الاه والحسره
على الي مني تبرى
يحبني خلص كل عمره
اجه من تالي ينكرني
عاشر دمعتي وكافي
ولا انزل بعد راسي
اني اليجرح احساسي
ما اريده ولا يهمني
كالولي يحب غيرك
واذا حب شنو يعني؟