ودعتك الله يا هوى الروح والبال
يا اجمل ايام الغرام بحياتي
جريت من جوفي من الحزن موال
ما كنت اظن فرقاك يقرب وياتي

دمعي على لاماك يا غايتي سال
وشلون ابصبر عنك وآنا احاتي
حكم القدر حطم طموحات وامال
حاولت الملم جرح سبب شتاتي


حملي ثقيل ومن عناء الوقت ما مال
وانتي تعرفين الوفاء من صفاتي
ياما علشانك تحملت عذال
اهل القلوب السود واهل الوشاتي

حرب الحسد في عالم الحب لو طال
ما هزت الارياح قوة ثباتي
صامد وقلبي ما نسى حب ووصال
وشلون ابنسى وصلكم يا غناتي
باكر تبي تشرق لنا شمس وإظلال
هذي سعادة خاطري وامنياتي