موتني لو ناوي تروح
ما تظل روح بدونك
ظلتي شنو بهذا الحزن
فدوة رحت لعيونك
تخيل أظل ابكي واحن
جني بسجن مو دنيا
اترجى حب بس وين اكو
هذا البشر حنيه

وين التفت القى اثار
منك واحس بجرحي
صار الصدق
فراقك كسر قلبي ترى
مو جنحي

ما تنسي انت ولا
عادي عليه غيابك
حتى الجرح منك حلو
واسمع غزل بعتابك
عايش غلط
واني احس
بعدك كذب أنفاسي

صوتي انطفى بس الحجي
عندك يدور براسي

دمعي جرى
بالخد على الذكرى العفتها ببالي
باوع على وجه البكا
هذا اللي صار بحالي


حيلي رقد
واشتاق لك
ياللي عفتني لهمي
اصعب جرح
بيا وانا بحاجة وجودك يمي
واتذكرك وابجي بقهر
هدتني التعب من شوقي
شجاب القعود
بس السهر ذب المصايب فوقي
بمرايه لو عيني تجيك
وجهك يصير قبالي
صح العقل زينة وحلو
بس بيك احب خبالي