مرحبا يا حبيبي يا حميد الشمايل

ليش تبطي علينا مالنا بك بدايل

ويش سبة صدودك .. هل سعى لك حسودك

ليت منهو يزورك .. لو يدوس الهوايل ..

ليت منهو يراكم ويتكلم معاكم

مالي احدٍ سواكم من جميع القبايل

كم فديتك بروحي .. وقلت يا روح روحي

عيني هلي ونوحي .. اليوم ويش انت قايل ..

لزوم ردلي جوابك بالوصل او عتابك

وانت محدٍ درابك ما نسينا الجمايل

ليتني ما عرفتك .. ليتني ما عشقتك

ليتني ما تبعتك .. بالضحى والقوايل ..