مدري متى في غاية الروح اهلّي
قلبي على رجوى وصاله يحاتيه
ما ودي بدمعات عيني تهلّي
اللي تراعد في عيوني مواريه

يا شموع عيني فيك انا اشوف خلي
ان ذاب دمعك قالوا الناس يبكيه
وحيد من دونك واراعي لـ ظلّي
ودي بزولك كل يومٍ واراعيه

شوفك يرد الروح دايم يسّلي
ما غير شوفك يا حبيبي يسليه

لا يا بعد هالكون عمري وملّي
في شوفتك والليل زانت مساريه

روحي فداكم من غلاكم وكلي
تامر وتنهى حي ذكرك وطاريه
آشر على قلبي وألبّيك يا اللّي
من قبل لا تنطق بـ سلطان لبيه

حاليك ربك كيف ودك تحلّي
وجهك بليا شي ربي محلّيه
لعيونك الثنتين شف ما حصلي
يفداك يا ساحل غرامي وشاطيه