مخاصمك يا قلبي – فريد الاطرش
مخاصمك يا قلبي
مخاصمك يا قلبي ومش راضي عنك
ياريت كان بإيدي وانا اتبرى منك
مخاصمك يا قلبي .. يا قلبي مخاصمك
تحب المحاسن وبتهوى الجمال
وتعشق يا قلبي وتبني الآمال
وعشقك مذلة وحبك خيال
ساقتني مرارك كاوتني بنارك
ولا حد غيري يشيل هم عنك
ياريت كان بإيدي وانا اتبرى منك
مخاصمك يا قلبي .. يا قلبي مخاصمك
لسحر العيون تسلم سلاحك
وفوق الشجون بتحضن جراحك
وعلى الجرح دايما بتطوي جناحك
وانا ابكي عشانك واهون هوانك
واواسي واقاسي عذابك وحزنك
ياريت كان بإيدي وانا اتبرى منك
مخاصمك يا قلبي .. يا قلبي مخاصمك
يا قلبي كفاية وتوب عن هواك
مادام الحبايب بترضى ببكاك
مافيش حد منهم بيرحم اساك
ولا حد وعدك ولا حد سعدك
ولا حد واسى عذابك وحزنك
ياريت كان بإيدي وانا اتبرى منك
مخاصمك يا قلبي .. يا قلبي مخاصمك
مخاصمك يا قلبي ومش راضي عنك
ياريت كان بإيدي وانا اتبرى منك
مخاصمك يا قلبي .. يا قلبي مخاصمك
لا يوجد تعليقات حالياً