ماحب اقسى عليها لو غديت امن الزعل موجوع
ونفس الوقت خايف من سكوتي لا يشجعها
علي تغلط وانا ماحبذ الغلطات من ذا النوع
ومع ذلك، بكل غلطه تسمعني .. وأسمعها
أجيها والعتب بين الحبايب ماهو ابمرفوع
وأطالعها .. وأنا قايل : بصد وما أطالعها

لها صوت مثل هبت نسيم ماهو ابمسموع
واذا اني جيت ابتكلم بدت تلعب ب اصابعها
أعاتبها .. ويلمع دمعها .. واغير الموضوع
انا الغلطان دام السالفه تاصل مدامعها
عسى الله بيننا يجمع بخير ولا يجيب دموع
وعسى ماعيش بالدنيا اذا ماعشتها معها