لا صار حبك ممتلي بعيوب
والراس يابس والتكبر ليش؟
ترى التفاهم بالهوى مطلوب
والحب وحده مايوكل عيش

اوقات احس انك علي مغصوب
يومٍ تجي وايام فيه تطنيش
ما ينعدل حالك دهر مقلوب
ماينعشق خل وعقله خريش


المشكلة انك علي محسوب
والمشكلة اني معك باعيش
خوفي تضيعني بطول دروب
من بعدها اصفى على ماميش

احتار فكري فيك يالمحبو
انا معك من جد في تشويش
حاول تعدل فيك يامعيوب
خذني بهون وخل عنك الطيش