ليش العتاب وانت الذي دومك معي في خاطري
يا صاحب الليل الذي إذا تحدّر تمنعه
في مهجتي من كلمتك أوهام حلم شاعري
ما أقدر على وصفه ولا أقدر بأنّي أمنعه
ليش العتاب .. ليش العتاب

غني معي قولي لي عندك صناعة ساحري
وانته على ما تشتهي قولٍ توّده تسمعه
قلبي ترى ما يحكمه منظر غزالٍ نافري
لو كان وصله صاحبي من دون ذنبٍ يقطعه
ليش العتاب .. ليش العتاب


يا هاجري أحلى الصور عندي بقت يا هاجري
يتبعك قلب صاحبه من حبكم ما هو معه
منهو يساعدني على حظٍ رديٍّ عاثري
ما هقوتي الله يغير لي اللي فؤادي ضيعه
ليش العتاب .. ليش العتاب

فيك السحر منك الغلا كله بدى في ناظري
عيّت عيوني كلما زوله تبدّى تشبعه
أرعى البروق أشوفها ماضي وطلعة حاظري
براق من صوبك بدى وأنا ونوقي نتبعه
ليش العتاب .. ليش العتاب