أنا من قبل لا اصادف عيونك واتمناها
تصدق كان هذا الحب خارج كل حساباتي
ولكن كل قناعاتي أنا وقلبي لغيناها
وصرت اليوم متسيد على قلبي ونبضاتي

محينا مامضى قبلك قواعدنا كسرناها
معك يالذة الدنيا ويا اجمل خياراتي
كأن الدنيا انعادت ودنيانا بديناها
معك يالثابت الاوحد ويا كل اهتماماتي


حسافه يالليالي اللي قبل عينك سهرناها
حسافة كل ليل ما تهنت فيك نظراتي
مشاعرنا الى منا أنا وقلبي حكيناها
قبل لا تنطق احروفي تسولف عنك عبراتي

تفضل والمشاعر لك انا و قلبي وهبناها
يا مستوطن تفاصيلي يا اول أولوياتي
تصدق قبل لا اصادف عيونك واتمناها
أنا ماكنت متخيل بغيرها قناعاتي