قلبي تهيض وقال .. في حب ذاك الغزال

اشغل فؤادي انشغال .. واقفى مليح الشباب

خلاني دايم طريح .. حاير وقلبي جريح

ياناس كيف استريح .. والحب كله عذاب

من شافي قال آه .. مسكين ماذا دهاه

الله يجبر عزاه .. زايد عليه الصواب

انا اشهد اني عليل .. والجسم مني نحيل

اسباب هذا الجميل .. شيبت وانا شباب

راحت حياتي عدام .. والجفن عاف المنام

يالله بحسن الختام .. طول علي الغياب

ليت الليالي تجود .. وايام الأول تعود

بعد الجفا والصدود .. يهون ذاك العذاب

يلتم شملي بهم .. واسعد إلا شفتهم

اقضي العمر عندهم .. ويتم كتب الكتاب

ياناس هذا مناي .. الله يحقق رجاي

امين قولوا معاي .. يا سامعين الجواب