غيابك يوم واحد في عيوني ياحبيبي سنين
ياليتك تاخذ اشواقي معك وتخفف احزاني

ولا تسمع من العاذل ولا تسمع من الواشين
انا سكرت دون اللي حكابك كل بيباني

تبين اصبر امانه كيف ابصبر وانتي الغالين
تبين اسلى امانه كيف ابسلى وانتي آماني


انا مليت من بكرة وانا مليت من بعدين
انا ودي اعيش العمر معك ان ربي احياني

وش اسوي وانا ماقدر انام إلا اسمعك تحكين
سواليفك عطر عمري وكل العشق واشجاني

اذا شفتي المراية دققي بوجهك وبتشوفين
ملامح وجهي اللي يشبهك بس بشكل ثاني