عمرى اتسرق – مجد القاسم
اه عمرى اتسرق
وشبابى راح منى
قصة حياتى فى ورق
والحبر من دمى
ورق السعادة اتحرق
مفاضلش غير همى
وسطور حياتى اتمحت
كتر ما سال دمعى
كتر ما سال دمعى
جراحه بتهدنى أحزان بتكوينى
وجفونى اه بتتحرق
خلصت دموع عينى
واحده فى واحده بضيع
كله قصاد عينى
عطشان سعادة وفرح
والحزن ساقينى
الدنيا ليه عاندتنى
لما طلبت الفرح
قفلت خلاص خنقتنى
وكل خطوة بجرح
وعدتنى ليه من الأول
انى هدوق الفرح
لو هحسب احزانى
حسبه تطول الشرح
حسبه تطول الشرح
من بين كل البشر
اخترتنى يا زمان
قلبى خلاص اتعصر
شوفت العذاب الوان
كل اللى فيا اتكسر
تايه مليش عنوان
تعبت قولت اه
بموت من الحرمان
لا يوجد تعليقات حالياً